მოკლედ: საქართველოს პრემიერ-მინისტრი ირაკლი კობახიძე აცხადებს, რომ პირველად, 2024 წლის ბიუჯეტში საპატრიარქოს საგანმანათლებლო პროექტებისთვის, 30 მილიონი იყო განსაზღვრული, თუმცა, "აუცილებელი საჭიროებების გამო", ბიუჯეტი 5 მილიონით გაიზარდა.

  • ამის შესახებ დღეს, 19 მარტს, ირაკლი კობახიძემ მედიასთან განაცხადა.

დეტალები: "არსებობს საპატრიარქოს 25-მილიონიანი საერთო დაფინანსებაც, თუმცა, ეს 30 მილიონიანი დაფინანსება შარშან ჩაიდო წლევანდელ ბიუჯეტში, ამიტომ არჩევნებთან კავშირი არ აქვს, ეს არ არის ახლახან მიღებული გადაწყვეტილება. ჩვენთვის მნიშვნელოვანია, რომ საპატრიარქომ შეძლოს საკუთარი პროექტების განხორციელება, განსაკუთრებით საგანმანათლებლო სფეროში", — თქვა ირაკლი კობახიძემ.

კონტექსტი: 15 მარტს ირაკლი კობახიძემ გასცა განკარგულება, რომლის მიხედვით 2024 წლის ბიუჯეტიდან საპატრიარქოს მიერ დაფუძნებული 50 სასწავლო დაწესებულებისთვის 35 მილიონი გაიცემა.

  • თანხა ზოგადსაგანმანათლებლო სკოლების დაფინანსების პროგრამიდან გამოიყოფა.