ცოტა ხნის წინ კრისტენ სტიუარტმა Variety-ის ახალი ინტერვიუ მისცა, რომელშიც სხვა საკითხებთან ერთად ბინდის საგაზეც ისაუბრა. კრისტენი ფიქრობს, რომ ბინდი, რომელშიც, მთავარი გმირის, ბელა სუონის როლს ასრულებს, გეი ფილმია. მსახიობი რობერტ პატინსონთან და ტეილორ ლოტნერთან ერთად ბინდის საგაში 2008-2012 წლებში მონაწილეობდა.

სტიუარტის თქმით, შესაძლოა, თავად ავტორს ამაზე არ უფიქრია, თუმცა, როცა წლების შემდეგ ფილმს სხვა პერსპექტივით უყურებს, ბინდში ქვიარ დინამიკას ამჩნევს. "[ბინდი] ძალიან გეი ფილმია", — ამბობს მსახიობი.

სტიუარტი განმარტავს, რომ ფილმი იმაზეა, რომ გინდოდეს რაღაც, რაც იცი, რომ გაგანადგურებს. აღსანიშნავია, რომ ორიგინალ ნაწარმოებში არცერთი ლგბტქ პერსონაჟი არ გვხვდება. თავად კრისტენ სტიუარტი 2017 წელს ბისექსუალად დაქამინგაუთდა.

სტეფანი მეიერის ამავე სახელწოდების ეკრანიზაცია 2008 წელს გამოვიდა. ფილმმა $400 მილიონზე მეტი გამოიმუშავა და საუკუნის ერთ-ერთ ყველაზე წარმატებულ ფრენჩაიზს დაუდო საფუძველი. ჯამში ბინდის საგის ყველა ნაწილის შემოსავალმა $3,4 მილიარდს გადააჭარბა.

იხილეთ ასევე: