კონგრესმენი ჯო უილსონი სოციალურ ქსელში Washington Post-ის სტატიას გამოეხმაურა, სადაც აღნიშნულია, რომ აშშ-ს ყოფილი მოკავშირე საქართველო ირანის ორბიტაზე ექცევა. ჯო უილსონი აღნიშნავს, რომ ქართული ოცნება თავს კონსერვატორს უწოდებს, თუმცა ირანის მთავარი მოკავშირეა.

"ანტიამერიკული ქართული ოცნების რეჟიმი თავს კონსერვატორს უწოდებს, თუმცა რეალურად იმ რეჟიმის მთავარი მოკავშირეა, რომელიც აცხადებს: "სიკვდილი ისრაელს, სიკვდილი ამერიკას". ჩვენ ყველაფერს ვხედავთ.", — დაწერა კონგრესმენმა.

შეგახსენებთ, 26 მაისს, Washington Post-მა სარედაქციო სტატია გამოაქვეყნა, სადაც აღნიშნულია, რომ ქართული ოცნების ავტორიტარული მმართველობა სამხრეთ კავკასიაში პრეზიდენტ დონალდ ტრამპის ადმინისტრაციის სტრატეგიულ ინტერესებს საფრთხეს უქმნის. ავტორები აღნიშნავენ, რომ საქართველო, რომელიც ოდესღაც ვაშინგტონის საიმედო პარტნიორად ითვლებოდა, ახლა "ირანის გავლენის სფეროში ინაცვლებს".