რა მოხდა: ქარელის მუნიციპალიტეტში, სოფელ რუისთან, ერთმანეთს მიკროავტობუსი და სატვირთო მანქანა შეეჯახა. ავტოსაგზაო შემთხვევის შედეგად ერთი ადამიანი დაიღუპა და 4 დაშავდა.

დეტალები: ავტოსაგზაო შემთხვევის შედეგად, დაღუპულია მიკროავტობუსის მძღოლი, ხოლო დაშავებული მგზავრები სამედიცინო დაწესებულებაში არიან გადაყვანილები.

  • შსს-ს მიხედვით, ფაქტზე გამოძიება სისხლის სამართლის კოდექსის 276-მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.