2010 წლის 22 მაისს ფლორიდელმა პროგრამისტმა, ლასლო ჰანიეცმა ერთ-ერთ ფორუმზე დაწერა, რომ მზად იყო, გადაეხადა 10 000 ბიტკოინი რამდენიმე პიცაში, "დაახლოებით დიდი ზომის ორ პიცაში, რომ რაღაც მეორე დღისთვისაც დარჩენოდა". ეს გამოწვევა მიიღო ბრიტანელმა კაცმა, რომელმაც ჰანიეცს სახლში ორი პიცა გაუგზავნა და იმ დროისთვის კარგი მოგებაც ნახა, რადგან პიცაში 25 დოლარი გადაიხადა, 10 000 ბიტკოინის ღირებულება კი მაშინ 41 დოლარი იყო.

თუმცა, მოგებამ სულ ცოტა ხანში წარმოუდგენელ მაჩვენებელს მიაღწია. სულ რაღაც ცხრა თვეში ერთი ბიტკოინის ფასი 1 დოლარი გახდა, 2015 წელს კი 10 000 ბიტკოინის ღირებულება 2.4 მილიონ აშშ დოლარს გაუთანაბრდა.

ბიტკოინის შესახებ ბევრს სმენია და ალბათ ყველამ იცის, რომ ბირჟის აღმასვლისა თუ დაღმასვლის მიუხედავად, ზოგიერთისთვის ეს მნიშვნელოვანი ინვესტიცია და სასიამოვნო საჩუქარიცაა. სწორედ ამიტომ, კრიპტოვალუტის სავაჭრო პლატფორმა, Cryptal და სასაჩუქრე ბარათების პირველი ონლაინ მაღაზია საქართველოში, Wowchy დამეგობრდნენ და საინტერესო პროდუქტი შექმნეს. ამიერიდან, საახალწლოდ თუ სხვა დღესასწაულებზე ყველას შეუძლია, აჩუქოს ან მიიღოს ბიტკოინი მარტივად, სასაჩუქრე ბარათის დახმარებით.

კრიპტოვალუტის შესახებ არაერთი მითი არსებობს. განსაკუთრებით გავრცელებულია ის მოსაზრება, რომ კრიპტოვალუტის ფლობა ან განკარგვა განსაკუთრებული ტექნიკური ნიჭით დაჯილდოებულებს შეუძლიათ. ეს ასე არა.

"ამიტომ გადავწყვიტეთ, შეგვექმნა ბიტკოინის სასაჩუქრე ბარათები, რომელთა მეშვეობითაც მარტივად შეეძლებათ ადამიანებს, განსხვავებული, ღირებული, და ახალი საჩუქარი უსახსოვრონ ერთმანეთს", — ამბობენ Cryptal-ში.

რა უპირატესობა აქვს ბიტკოინის სასაჩუქრე ბარათებს?

• ორიგინალური და ღირებულია;
• ადრესატისთვის დასამახსოვრებელია;
• ინვესტიციაა, რომელიც ზრდისკენაა მიმართული (მხოლოდ 2023 წელს Bitcoin-ის ღირებულება 158%-ით არის გაზრდილი);
• შეძენა მარტივია;
• ადრესატს აქვს შესაძლებლობა, სამომავლოდ ახლოს გაეცნოს კრიპტოვალუტისა და ბირჟის მუშაობას.

როგორც იდეის ავტორები ამბობენ, ბიტკოინი ის აქტივია, რომლის ყიდვაზე უარის თქმა ალბათ ბევრს უნანია სხვადასხვა დროს. ამიტომ ამ "შეცდომის" გამოსწორება ახლა უფრო მარტივი გახდა.

როგორ ვაჩუქოთ ბიტკოინი?

ამისთვის რამდენიმე ნაბიჯის გავლაა საჭირო.

Wowchy-ზე შესვლის შემდეგ, შესაძლებელია სასურველი ნომინალის — 50, 100, 200 ან 500 ლარის ბიტკოინის შერჩევა, შეძენის პროცესის დასრულების შემდეგ, მეილზე იგზავნება პრომოკოდი. აღნიშნული კოდი საჭიროა Cryptal-ზე რეგისტრაციის დროს. რეგისტრაციის შემდეგ კი ნაჩუქარი ბიტკოინი კრიპტალის საფულის ანგარიშზე აისახება.

ასე რომ, თუ სიქრეთ სანტას თამაშობ და რაიმე ორიგინალურს ეძებ, ოჯახის წევრის გახარება გადაწყვიტე, საკუთარი თავის დასაჩუქრებაზე ფიქრობ, ან, სულაც ორი პიცის გამოძახება განიზრახე, ეწვიე Wowchy-ს და Cryptal-ს და გაიგე მეტი.