დეტალები: თავდაცვის სამინისტროს ცნობით, საქართველოში იტალიის შეიარაღებული ძალების გენერალური შტაბის დელეგაცია იმყოფება.

  • უწყების ინფორმაციით, შეხვედრის მიზანი თავდაცვის სფეროში ორმხრივი კონსულტაციების გამართვაა.
  • მათი თქმით, შეხვედრისას განიხილეს ორ ქვეყანას შორის თანამშრომლობის მიმდინარე საკითხები და სამომავლო პერსპექტივები.
  • განცხადებაში ასევე აღნიშნულია, რომ საქართველოსა და იტალიის თავდაცვის სამინისტროებს შორის 2024 წლის ორმხრივი თანამშრომლობის გეგმა გაფორმდა.
  • "იტალიისა და საქართველოს თავდაცვის სამინისტროები აქტიურად თანამშრომლობენ ნატო-საქართველოს არსებითი პაკეტის (SNGP) ფარგლებში, საერთაშორისო სამხედრო სწავლებების მიმართულებით, ასევე, სამხედრო და სამოქალაქო თანამშრომლობის, სამხედრო განათლებისა და ავიაციის საკითხებზე", — აცხადებენ სამინისტროში.