ინგუშეთში მოკლეს პირი, რომელიც ჩრდილოეთ ოსეთისა და ინგუშეთის სამართალდამცავ უწყებებზე თავდასხმებთან კავშირის გამო იძებნებოდა.

ხიზირ განიევს სამართალდამცველებმა ცეცხლი დაპირისპირების დროს, სუნჟაში გაუხსნეს, მას შემდეგ, რაც მისი დაკავება სცადეს. რადიო თავისუფლების ინფორმაციით, განიევი ეჭვმიტანილია ამირხან გურაჟევისა და ადამ ოზდოევის დახმარებაში, რომლებიც გაზაფხულზე ინგუშეთსა და ჩრდილოეთ ოსეთში სამართალდამცავებს დაესხნენ თავს.

"კავკაზსკი უზელი" წერს, რომ როდესაც პოლიციამ განიევის დაკავება სცადა, მან სამართალდამცველებს ცეცხლი გაუხსნა, ის საპასუხო სროლას ემსხვერპლა. შედეგად დაიჭრა 1 სამართალდამცველი.

საინფორმაციო სააგენტო "ინტერფაქსი" აღნიშნავს, რომ პიროვნების ვინაობა რეგიონის სამათალდამცავი ორგანოების წყაროებზე დაყრდნობით დადგინდა.

პოლიციელზე თავდასხმის ფაქტზე სისხლის სამართლის საქმე აღიძრა.

აპრილში ინგუშეთში სამართალდამცველებზე თავდასხმაში ეჭვმიტანილი ოთხი ეჭვმიტანილი სროლის შედეგად დაიღუპა, ორი კი დააკავეს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.