რა ხდება: ისრაელის თავდაცვის ძალებმა ღაზის ყველაზე დიდი საავადმყოფოს, ალ-შიფას დირექტორი დააკავა.

  • აბუ სალამია ახლა ისრაელის უსაფრთხოების სამსახურში, დაკითხვაზე იმყოფება.

დეტალები: ისრაელის განცხადებით, მოიპოვეს მტკიცებულება, რომ შიფა, სალამიას უშუალო ხელმძღვანელობით, ჰამასის მართვის ცენტრი იყო.

  • მათივე ცნობით, საავადმყოფოს ქვეშ მდებარე გვირაბების ქსელში, ჰამასი მოიხმარდა საავადმყოფოსთვის განკუთვნილ ელექტროენერგიასა და სხვა რესურსებს.
  • ისრაელის თავდაცვის ძალები გვირაბში გადაღებულ ვიდეოს X-ზე ავრცელებს.
  • ალ-შიფაზე კონტროლი, ისრაელის ძალებმა, გასულ კვირას აიღეს.
  • საავადმყოფო ათასობით ადამიანმა, მათ შორის პაციენტებმა, შაბათს დატოვეს. ისრაელის თავდაცვის ძალები უარყოფს, რომ ევაკუაციის ბრძანება გასცეს. მათი თქმით, მოქალაქეების ევაკუაციისთვის უსაფრთხო დერეფნის შექმნა საავადმყოფოს დირექტორმა სთხოვა.

რა ხდება ღაზაში: ელოდებიან დროებითი ზავის ამოქმედებას, რომლის მიხედვითაც, ცეცხლი 4 დღით შეწყდება და ისრაელი და ჰამასი ტყვეებს გაცვლიან.

  • შეთანხმების თანახმად, ჰამასი გაათავისუფლებს ოქტომბერში, ისრაელზე თავდასხმის დროს აყვანილი ტყვეების მცირე ნაწილს — 50 ადამიანს.
  • ისრაელი კი მას პალესტინელ პატიმრებს გადასცემს.
  • ორივე მხარის მიერ გათავისუფლდებიან მხოლოდ ქალები და ბავშვები.
  • შეთანხმებას კატარში მიმდინარე მოლაპარაკების ფარგლებში მიაღწიეს.
  • 4 დღის შემდეგ, საომარი მოქმედებები კვლავ განახლდება.

ჯერჯერობით უცნობია, როდის შევა ძალაში ზავი.