მოკლედ: თბილისის მერის, კახა კალაძის განცხადებით, მომავალი წლიდან რუსთაველის გამზირის სარეაბილიტაციო სამუშაოები დაიწყება.

  • ამის შესახებ მან თბილისის მუნიციპალიტეტის მთავრობის სხდომაზე თქვა.

რას აპირებენ: კალაძის თქმით, პროექტის ფარგლებში, რომელსაც "თბილისის განვითარების ფონდი" განახორციელებს, პირველ ეტაპზე, არსებული შენობა-ნაგებობების რეაბილიტაცია მოხდება.

  • მისივე თქმით, ბოლო ეტაპზე, რუსთაველის გამზირზე საგზაო ინფრასტრუქტურა მოწესრიგდება.
  • ხანგრძლივობა: სავარაუდოდ, ორი წელი, "რადგან ბევრი შენობა-ნაგებობაა და ამას საგზაო ინფრასტრუქტურაც ემატება", — თქვა კალაძემ.