1989 (Taylor's Version) უკვე გამოვიდა! ქართველი ფანებისთვის ტეილორის ერთ-ერთი გამორჩეული ალბომი 27 ოქტომბრის დილას დაიდო. ძველ და საყვარელ სიმღერებთან ერთად ალბომში მსმენელებისთვის აქამდე უცნობი 5 ახალი სიმღერაა: "Slut!", Say Don't Go, Now That We Don't Talk, Suburban Legends და Is It Over Now?.

1989 პირველად 2014 წლის 27 ოქტომბერს გამოვიდა და სვიფტის მეხუთე ალბომია.1989 (Taylor's Version)-ის შემდეგ მომღერალს მხოლოდ ორი ალბომის, Taylor Swift-ისა და Reputation-ის ჩაწერაღა დარჩა. წინა ალბომების "ტეილორის ვერსიები" პოპვარსკვლავისთვის ძალიან წარმატებული აღმოჩნდა და ბილბორდის ჩარტებშიც მოხვდა — რა თქმა უნდა, 1989 ((Taylor's Version)-საც ამას უწინასწარმეტყველებენ.

შეგახსენებთ, რომ ტეილორ სვიფტმა თავისი 6 ალბომის ახალი ვერსიების ჩაწერა დაიწყო, რადგან მისმა ყოფილმა ლეიბლმა, Big Machine-მა, მომღერლის ჩანაწერების ნაწილი 2019 წელს გაყიდა. ტეილორი კი ძველი ალბომების განახლებულ ვერსიებს თავიდან უშვებს, რათა საავტორო უფლებები მხოლოდ მას ეკუთვნოდეს.

ამავე თემაზე:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...