კობახიძე სტიქიაზე: ეს არის ძალიან მნიშვნელოვანი, რომ არავინ არ უნდა იჩქაროს დასკვნები

5 Aug. 2023, 14:13

მე მაქვს ჩემი ინფორმაცია, ბუნებრივია, ყველაფერთან დაკავშირებით, მაგრამ ჩემგან არ იქნება სწორი ამაზე საუბარი. არიან შესაბამისი სტრუქტურები, უწყებები, რომლებსაც შეუძლიათ კომპეტენტური პასუხის გაცემა. მე რაც არ უნდა ინფორმირებული ვიყო ამ ყველაფერზე, ჩემგან არ იქნება სწორი კომენტარების კეთება. დაველოდოთ, ყველაფრით დავინტერესდებით, რა თქმა უნდა. [...]

ეს არის ძალიან მნიშვნელოვანი, რომ არავინ არ უნდა იჩქაროს დასკვნების გამოტანა, ახლა არის, გასაგებია, ემოციური ფონია და ეს აბსოლუტურად გასაგებია. თუმცა ყველაფერი გაირკვევა ხომ საბოლოო ჯამში. ამიტომ, სასურველია, არავინ არ იჩქაროს დასკვნების გაკეთება. კიდევ ერთხელ გავიმეორებ, არიან კომპეტენტური სტრუქტურები, ორგანიზაციები, ადამიანები, რომლებსაც შეუძლიათ დეტალური დასკვნის დადება ყველაფერთან დაკავშირებით. როგორც კი იქნება ეს დასკვნა, ამის შემდეგ შეიძლება გაკეთდეს კომენტარი.

ყველაფერი გაკეთდა მაქსიმალურად, ყველანაირი რესურსი იყო უზრუნველყოფილი იმ პირობების გათვალისწინებით, რაც არის ხეობაში. ამ პირობების გათვალისწინებით, სრული რესურსი იყო მობილიზებული, შესაბამისად, დაბრკოლება სამაშველო სამუშაოებს ამ თვალსაზრისით არ ჰქონია.

რაც შეეხება სამაშველო სამუშაოების უზრუნველყოფას, წყალი, საკვები, ტანსაცმელი და ა.შ., ყველაფერი არის უზრუნველყოფილი და მე რა ინფორმაციაც მაქვს შესაბამისი უწყებებიდან, დამატებითი რესურსის საჭიროება დღეს არ დგას.

ბოლო ამბები:

ირაკლი კობახიძე კობახიძე სტიქიაზე: ეს არის ძალიან მნიშვნელოვანი, რომ არავინ არ უნდა იჩქაროს დასკვნები

კომენტარები

კვირის ტოპ-5

გირჩევთ

ახლა კითხულობენ

ფიზიკოსებმა აღმოაჩინეს, როგორ "იღებს გადაწყვეტილებებს" ლორწოვანი სოკო ტვინის გარეშე