დილაა თუ საღამო, სადღაც მიგვეჩქარება — სამსახურში ან უნივერსიტეტში, მერე უკან — სახლში. ზოგჯერ, უბრალოდ მეგობრებთან დროის გატარება გვინდა, მაგრამ დათქმულ დროს ვერ ვახერხებთ გამოჩენას. ფრაზა — "ბოდიში, საცობში ვიყავი", რომელიც ყველას გვსმენია და გამოგვიყენებია, მუდამ აქტუალურია.

ზუმერმა ქალაქში გართულებული გადაადგილების საპასუხოდ ეკომეგობრული და ფერადი კომუნიკაცია წამოიწყო. შეიფერე სკუტერები, რას ელოდები? — ასეთია ბრენდის ახალი მოწოდება.

სმარტფონების, აუდიო ტექნიკის და სმარტ გაჯეტების შესახებ ბრენდის არაერთი კამპანია შეგვიძლია გავიხსენოთ. თუმცა, ზუმერის ახალი კამპანია პირველი მასშტაბური კომუნიკაციაა მიკრომობილობისა და სკუტერების მიმართულებით.

ბოლო წლებში, ელექტროსკუტერებით გადაადგილება მთელ მსოფლიოში სულ უფრო პოპულარული ხდება და ეს ტრენდი საქართველოს დიდ ქალაქებშიც შეიმჩნევა. სკუტერები გადაადგილების "მწვანე" და ბიუჯეტური ალტერნატივაა, რომლის გამოყენება სხვადასხვა ცხოვრების წესის მიმდევრებს შეუძლიათ. ვინც არ უნდა იყო: სტუდენტი, ოფისში დასაქმებული თუ თავგადასავლების მოყვარული — სკუტერით სიარული სწორი გადაწყვეტილებაა.

სკუტერით სარგებლობისას ნაკლებ დროს კარგავ, გარემოს ზიანს არ აყენებ, პარკინგის პრობლემას იშორებ და მოვლაზეც არ გჭირდება დიდი ძალისხმევის დახარჯვა, მათ შორის, დატენვაც მარტივად შეგიძლია. თანაც, სკუტერით ისეთი ადგილების მონახულება-აღმოჩენაც არ გაგიჭირდება, სადაც მანქანით მისვლა რთულია.

ამჟამად ზუმერში Segway-Ninebot-ის სკუტერებია ხელმისაწვდომი. Segway-Ninebot-ის მოდელები სიმსუბუქით და კომპაქტურობით გამოირჩევა და ამ თვალსაზრისით, ურბანული გარემოსთვისაა გათვალისწინებული. საფასო კატეგორიიდან გამომდინარე, სკუტერებს განსხვავებული მონაცემები აქვს. მაგალითად, შედარებით მძლავრი D38E მოდელი 30 კმ/სთ-მდე სიჩქარეს ავითარებს, ერთი დატენვით 65 კილომეტრამდე მანძილის დაფარვა შეუძლია და წინა და უკანა განათებებითაა აღჭურვილი.

ზუმერს სკუტერების აქცენტირებით ფილიალებსა და zoommer.ge-ზე წარმოდგენილი ტექნიკის მრავალფეროვნების ხაზგასმაც სურს. ციფრული ტექნიკის მაღაზიათა ქსელში არსებული მოდელები ყველა გემოვნებისა და ნებისმიერი ცხოვრების წესის მქონე ადამიანებზეა მორგებული — ზუმერში დაგხვდება ყურსასმენები, საოფისე ლეპტოპი, გეიმინგ კონსოლი, სკუტერი თუ სხვა სასურველი ნივთი.

შეიფერე, რას ელოდები?