ნატალის სანიშნეები მთლიანად ერთი კითხვის მოყვარული გოგოს პროექტია. ნატალი ენუქიძე ყველაფერს მარტო აკეთებს - დიზაინს, ფორმას, დისტრიბუციას. ის კომპანიებთან მოლაპარაკებებსაც თვითონ აწარმოებს.

ნატალის, ამ ეტაპზე, მხოლოდ ერთი დიზაინის სანიშნეები აქვს - მრავალფეროვანი ილუსტრაციით, თუმცა მალე ახალი კოლექციის დამზადებასა და გამოშვებას გეგმავს.

ნატალის არ უყვარს, როდესაც წიგნებს კითხვისგან შესვენებისას კეცავენ. როგორც ჩვენთან ამბობს, წიგნის სიყვარულმა და მოფრთხილებამ გადააწყვეტინა სანიშნეების შექმნა, თუმცა იდეის განხორციელებამდე ერთმა ჩვევამაც უბიძგა:

"ძირითადად კითხვისას ვჭამ. აქამდე სანიშნედ ვაშლის ყუნწს ვიყენებდი, ან მანდარინის ქერქს, ან შოკოლადის ქაღალდს".

ფოტო: Natalie's bookmarks

ნატალიმ პირველად კომფორტი საკუთარ თავს შეუქმნა, თუმცა რომ დაფიქრდა, გადაწყვიტა, რომ ამის გაკეთება სხვებისთვისაც შეეძლო.

სანიშნეების მთავარი მესიჯია "არ გადაკეცო, ჩანიშნე", თუმცა თითოეულ მათგანს შიგნით ინგლისურად თემატური წარწერა აქვს.

"წარწერებად ჩემი საყვარელი სიტყვები გამოვიყენე. Eat Pray Love ჩემი ცხოვრებისეული მესიჯია, და ეს სამი სიტყვა კითხვასთან და ღიმილთან შეხმატკბილებულად, განწყობის შესაქმნელად, მაქვს შეთანხმებული".

ნატალის სანიშნეების შეძენა ერთ ლარად შემდეგ წიგნის მაღაზიებში შეგიძლიათ:

  • თბილისი ცენტრალი, მესამე სართული;
  • თბილისი მოლი, აღმაშენებლის ხეივანი 16კმ;
  • გლდანი მოლი;
  • ბიბლუსი, ვაჟა-ფშაველას გამზირი #47;
  • ბიბლუსი, ბახტრიონის ქუჩა #16;
  • ბიბლუსი, იოსებიძის ქუჩა #49;
  • ჭავჭავაძის გამზირი #7 ბიბლუსი გალერეა;
  • ჭავჭავაძის #17ბ, შაქრო ბაბუა;
  • ჭავჭავაძის #22, პარნასი;
  • ბათუმი. წიგნები ბათუმში;
  • ლიგამუსი;
  • სანტა ესპერანსა.