ინფორმაციას რუსეთის უშიშროების ფედერალური სამსახური ავრცელებს.

რატომ არის მნიშვნელოვანი: გერშკოვიჩი Wall Street Journal-ის კორესპონდენტია და რუსეთის უსაფრთხოების სამსახური მას ჯაშუშობაში ადანაშაულებს.

  • დაკავებული ჟურნალისტი მოსკოვში 2022 წლის იანვრიდან მუშაობდა, ადრე ის New York Times-ის ახალი ამბების კორესპონდენტი იყო.

დეტალები: ამერიკელი ჟურნალისტი, ევან გერშკოვიჩი ქალაქ ეკატერინბურგში დააკავეს.

  • უშიშროების სამსახურის განცხადებაში ნათქვამია, რომ "აშშ-ს დავალებით, ის [გერშკოვიჩი] აგროვებდა ინფორმაციას რუსეთის სამხედრო-სამრეწველო კომპლექსის ერთ-ერთი საწარმოს შესახებ, რაც სახელმწიფო საიდუმლოებას წარმოადგენს".
  • ჟურნალისტის წინააღმდეგ საქმე შპიონაჟის მუხლითაა აღძრული, რაც 12-დან 20 წლამდე პატიმრობას ითვალისწინებს.