ვრცელდება ინფორმაცია, რომ ბენიამინ ნეთანიაჰუ მზადაა შეაჩეროს სადავო სასამართლო რეფორმა.

რატომ არის მნიშვნელოვანი: ათიათასობით ადამიანი გამოვიდა ქუჩებში მას შემდეგ, რაც პრემიერმინისტრმა ბენიამინ ნეთანიაჰუმ ისრაელის თავდაცვის მინისტრი გაათავისუფლა.

  • იოავ გალანტმა საჯაროდ ისაუბრა სასამართლო რეფორმის შესახებ და მიმდინარე პროცესი შეაფასა, როგორც მართლმსაჯულების სისტემიდან გადახვევა.
  • რეფორმები მთავრობას მისცემს გადამწყვეტ კონტროლს კომიტეტზე, რომელიც მოსამართლეებს ნიშნავს.

დეტალები: იერუსალიმში პოლიციამ და ჯარისკაცებმა ნეთანიაჰუს სახლის მახლობლად დემონსტრანტების წინააღმდეგ წყლის ჭავლი გამოიყენეს.

  • ორშაბათს დილით ისრაელის პრეზიდენტმა ისააკ ჰერცოგმა მთავრობას რეფორმების შეჩერებისკენ მოუწოდა.
  • "ისრაელის ხალხის ერთიანობისთვის, პასუხისმგებლობისთვის, მოგიწოდებთ დაუყოვნებლივ შეაჩეროთ საკანონმდებლო პროცესი", — დაწერა მან Twitter-ზე.
  • შეერთებულმა შტატებმა ასევე განაცხადა, რომ ღრმად შეშფოთებულია განვითარებული მოვლენებით და პრემიერმინისტრს კომპრომისისკენ მოუწოდა.