კონკურენციის ეროვნული სააგენტოს განცხადებით, საკითხი ეხება ქრონიკული და ონკოლოგიური მედიკამენტების იმპორტიორი, რეალიზატორი კომპანიების მხრიდან ფასების მკვეთრ ზრდას და სავარაუდო, იდენტური ფასწარმოქმნის დაწესებას.

რატომ არის მნიშვნელოვანი: ჯანდაცვის სამინისტროს ცნობით, მედიკამენტზე, რეფერენტული ფასების ამოქმედების შემდეგ, ცალკეული ფარმაცევტული კომპანიების მხრიდან, მორიგი არაკეთილსინდისიერი ქმედებები ფიქსირდება.

  • როგორც კონკურენციის სააგენტოში ამბობენ, მოკვლევას საფუძვლად სწორედ სამინისტროს განცხადება დაედო.
  • მოკვლევა ორი მიმართულებით დაიწყო, რაც დომინანტური მდგომარეობის შესაძლო ბოროტად გამოყენებას და კონკურენციის შესაძლო შემზღუდველ შეთანხმებებს (ე.წ. კარტელური გარიგებები) გულისხმობს.

პრემიერმინისტრმა ირაკლი ღარიბაშვილმა 24 მარტს პარლამენტში თქვა, კომპანია PSP-მ ონკოლოგიურ მედიკამენტებზე ორას-სამას პროცენტიანი ფასნამატები გააკეთა.

  • რაც ღარიბაშვილის განცხადებით, "რეაგირების გარეშე არ დარჩება".
  • ოქრიაშვილი ბრალდებებს უარყოფს და პრემიერმინისტრს მისთვის და თითოეული თანამშრომლისთვის ბოდიშის მოხდას მოითხოვ.
  • PSP აცხადებს, რომ ონკოლოგიურ მედიკამენტებზე საოპერაციო ხარჯებისთვის განსაზღვრული პოლიტიკით მინიმალური დარიცხვები ორიდან 25 პროცენტამდე არის განსაზღვრული და ჯანდაცვის სამინისტროსთვის ცნობილია მედიკამენტების თვითღირებულება.