ცოტა ხნის წინ გავრცელებული ინფორმაციით, ქართველი პიანისტი გიორგი გიგაშვილი არტურ რუბინშტეინის საერთაშორისო საფორტეპიანო კონკურსის ფინალურ ეტაპზე გადავიდა. გიორგი გიგაშვილმა წარმატებით გადალახა კონკურის პირველი და მეორე ეტაპი, ახლა კი ფინალშია, რომელშიც სულ 6 კონკურსანტი იღებს მონაწილეობას.

გიორგი გიგაშვილის მორიგ წარმატებას ნიკოლოზ რაჭველი სოციალურ ქსელში გამოეხმაურა. "გიორგი გიგაშვილი რუბინშტეინის საერთაშორისო კონკურსის ფინალისტია! იცით ეს რას ნიშნავს? დედამიწაზე უსაზღვროდ პრესტიჟული კონკურსის ლაურეატი გახდა, თან მას შემდეგ რაც 7-8 მარტის აქციების დარბევაშიც მოყვა და გაზის კაფსულებს თუ წყლის ჭავლს ვერც ერთ დღეს გადაურჩა… მერე გაფრინდა თელ-ავივში, პირველი და მეორე ტურის ურთულესი პროგრამები ბრწყინვალედ დაუკრა და მსოფლიოს წამყვან ახალგაზრდა პიანისტთა შორის ღირსეული ადგილი მოიპოვა", — წერს ნიკოლოზ რაჭველი.

ფოტო: Giorgi Oikashvili / Facebook

მეოცე საუკუნის ცნობილი პიანისტის, არტურ რუბინშტეინის, სახელობის კონკურსი 1974 წლიდან იმართება და თელ-ავივში სამ წელიწადში ერთხელ ტარდება. წელს ჟიურიმ 39 პიანისტიდან 6 საუკეთესო შეარჩია და მათ შორის გიორგი გიგაშვილიცაა. კონკურსის ფინალურ ეტაპი 30 მარტს სრულდება, ხოლო გამარჯვებულებს ჟიური 31 მარტის დაჯილდოების ცერემონიაზე გამოავლენს.