როგორც On.ge-ს შინაგან საქმეთა სამინისტროში უთხრეს, გამოძიება მედიაში გავრცელებული ინფორმაციის საფუძველზე დაიწყო.

რატომ არის მნიშვნელოვანი: რუსთავი 2-ის ინფორმაციით, 2 იანვარს, თბილისში, ერთ-ერთ აფთიაქში ყოფილ პრემიერმინისტრსა და შს მინისტრს, ვანო მერაბიშვილს სცემეს.

  • ტელეკომპანიის ცნობითვე, მერაბიშვილს თავს გია გაჩეჩილაძის (უცნობის) სიძე, გიორგი შარაშიძე დაესხა.
  • "დაპირისპირებასაც ვერ დავარქმევ, რადგან პირველივე წამებიდან გაიქცა ბატონი მერაბიშვილი.
  • არც გამოძიებას ვემალები და არ გავურბივარ პასუხისმგებლობას. თუ საჭირო იქნა, დანარჩენს გავცემ პასუხს სამართალდამცველ ორგანოებს", — ამბობს შარაშიძე რუსთავი 2-თან.

დეტალები: შსს-ს ინფორმაციით, საქმეზე გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.

  • დანაშაული ისჯება ჯარიმით ან საზოგადოებისთვის სასარგებლო შრომით 120-დან 180 საათამდე, ან შინაპატიმრობით 6 თვიდან 1 წლამდე, ანდა თავისუფლების აღკვეთით 1 წლამდე.