TasteAtlas-ის გამოკითხვის მიხედვით, რომელშიც ვებგვერდის მომხმარებლებს ქვეყნების სამზარეულო უნდა შეეფასებინათ, საქართველო 26-ე ადგილზე გავიდა. საუკეთესო სამზარეულოს დასახელების კრიტერიუმები ინგრედიენტები, კერძები და სასმელები იყო. გამოკითხვის მიხედვით, ქვეყნების პირველი ხუთეული ასეთია:

1. იტალია

2. საბერძნეთი

3. ესპანეთი

4. იაპონია

5. ინდოეთი

ქვეყნების სრული სია ამ ბმულზე შეგიძლიათ ნახოთ.

რაც შეეხება საუკეთესო ტრადიციულ კერძებს, TasteAtlas-ის 2022 წლის გამოკითხვის მიხედვით, ხაჭაპური 58-ე ადგილზე გავიდა, ხინკალი კი 90-ზე. გამოკითხვის შედეგების ნახვა ამ ბმულზეა შესაძლებელი.

TasteAtlas სამოგზაურო გზამკვლევია ტრადიციული კერძების შესახებ, სადაც მომხმარებლები სხვადასხვა ქვეყნის სამზარეულოს აფასებენ და თავიანთ მოსაზრებებს გამოთქვამენ. ამასთანავე, ვებგვერდი დაახლოებით 10 000 კერძის შესახებ გვაწვდის ინფორმაციას, თუ რომელ ქვეყნებსა და რესტორნებში შეიძლება მათი დაგემოვნება. ვებგვერდზე ასევე ცნობილი ტრადიციული კერძების რეცეპტებსაც ნახავთ, რაც თქვენთვის გამორჩეულად გემრიელი კერძების მომზადებაში დაგეხმარებათ.