დიდი ბრიტანეთის პრემიერმინისტრი, ბორის ჯონსონი აცხადებს, რომ ქვეყანა უკრაინისთვის დამატებით სამხედრო დახმარებას უზრუნველყოფს. ასევე, ჯონსონი ამბობს, რომ ბრიტანეთი უკრაინას ომის დანაშაულების მტკიცებულებების შეგროვებაში დაეხმარება.

"დღეს ვესაუბრე პრეზიდენტ ზელენსკის და შევატყობინე მას ბოლო ნაბიჯების შესახებ, რომელსაც დიდი ბრიტანეთი გადადგამს უკრაინის მხარდასაჭერად. ჩვენ დამატებით სამხედრო დახმარებას უზრუნველვყოფთ, ჯავშანმანქანების ჩათვლით. ჩვენ რუსი სამხედროების წინააღმდეგ ახალ სანქციებს დავაწესებთ.

კიევში საელჩოს გავხსნით უკრაინელი ხალხის მიმართ ჩვენი სოლიდარობის ნიშნად. ასევე, ბრიტანეთის ხელისუფლება დაეხმარება უკრაინას ომის დანაშაულების მტკიცებულებების შეგროვებაში. რუსეთმა მისი ქმედებებისთვის პასუხი უნდა აგოს", — წერს ის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში