ოჰაიოში მცხოვრებმა რვა წლის ბიჭმა Youtube-ის დახმარებით მანქანის მართვა ისწავლა და ოთხი წლის და მაკდონალდსში მიიყვანა, თანაც ისე, რომ გზაზე არც ერთი წესი არ დაურღვევია.

როგორც ცნობილია, ბავშვებმა სახლი მაშინ დატოვეს, როდესაც დედას დივანზე ჩაეძინა.

ქუჩაში გამვლელებმა შეამჩნიეს, რომ ავტომობილს მცირეწლოვანი ბავშვი მართავდა და პოლიციას დაურეკეს. რვა წლის ბიჭი პოლიციის დანახვისას მიხვდა, რომ რაღაც ცუდი ჩაიდინა და ტირილი დაიწყო.

"მანქანის ტარება Youtube-ზე ატვირთული ავტომობილის მართვის გაკვეთილების დახმარებით ვისწავლე. მაკდონალდსში კი იმიტომ წამოვედით, რომ ჩიზბურგერი გვინდოდა", - თქვა ბიჭმა პოლიციასთან საუბრის დროს.

როგორც პოლიციის ოფიცერი ჯეიკობ კოელი ამბობს, ბიჭმა ერთ მილზე მეტი გაიარა და არც ერთი წესი არ დაურღვევია.

"მას წესები არ დაურღვევია და არაფერს დასჯახებია", - ამბობს კოელი.