უკრაინის საგარეო საქმეთა მინისტრი, დმიტრო კულება აცხადებს, რომ ქვეყანა ზავის სანაცვლოდ ხელისუფლების შეცვლის პირობას არ დათანხმდება. ასე უპასუხა კულებამ კითხვას, იქნება თუ არა მზად უკრაინის პრეზიდენტი ხელისუფლების შეცვლაზე თუ ვლადიმერ პუტინი სანაცვლოდ ზავს დაპირდება.

"როგორც ნაცისტებმა არ აღიარეს ებრაელების არსებობის უფლება, ასევე ვლადიმერ პუტინი არ სცნობს უკრაინელების არსებობის უფლებას საკუთარი იდენტობით, კულტურითა და სახელმწიფოთი. ამიტომ ჩვენ არ დავთმობთ. გვესმის, რომ ეს ჩვენი გადარჩენის საკითხია. საქმე არ ეხება ზელენსკის, კულებას, რეზნიკოვის, ზალუჟნის სახელებს. საქმე ისაა, რომ ეს არის ომი ჩვენი გადარჩენისთვის", — განაცხადა უკრაინის საგარეო საქმეთა მინისტრმა.

მისივე თქმით, ყველამ კარგად გაიგო ის, თუ რისი თქმა სურდა რუსეთის პრეზიდენტს ომის წინა დღეს ჩაწერილ მიმართვაში, მთელმა მსოფლიომ გაიგო, რომ ის უკრანას არსებობის უფლებას ართმევს.

"ახლა პრეზიდენტი ზელენსკი უკრაინის და საერთაშორისო საზოგადოების მაქსიმალური მხარდაჭერით სარგებლობს. დამოუკიდებლობის 30 წლის განმავლობაში არცერთხელ ჩვენს ისტორიაში უკრაინის არცერთ პრეზიდენტს ასეთი ნდობა და მხარდაჭერა არ ჰქონია", — ამბობს კულება.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში