ბაზარზე არსებული მერყევი სიტუაცია ბევრი აქციის ფასის დაცემით გამოიხატება. ამ მდგომარეობას არაერთი ინვესტორი შესაძლებლობად აქცევს.

აქ განსაკუთრებული მნიშვნელობა იმას ენიჭება, რამდენად შორს იხედები. გრძელვადიანი ინვესტორებისთვის წარმატებულ კომპანიების აქციებზე ფასების უეცარი შემცირება პირდაპირი სიგნალია და მათ ყურადღებას იპყრობს.

ამ სტატიაში იმ ორი აქციის შესახებ გიყვებით, რომელთა ყიდვასაც ანალიტიკოსები დღესვე გვირჩევენ და ამბობენ, რომ ისინი მინიმუმ სამი წლით უნდა შევინახოთ.

Nike

ფოტო: Unsplash

ეს კომპანია გასულ წელთან შედარებით 2,2%-ით გაიზარდა. მისი შემოსავლების ზრდა წელს შენელებულია. ამას მიწოდების ჯაჭვში არსებულ პრობლემებსაც უკავშირებენ. სწორედ ამ საკითხის გათვალისწინებით, კომპანიის მარაგები 7%-ით არის გაზრდილი და შეფასებულია 6,5 მილიარდ დოლარად.

კომპანიის მთლიანი მარჟა, რომელიც პირდაპირი ხარჯების გამოკლებით მიღებულ შემოსავალს აჩვენებს გაზრდილია 2,8 პროცენტული პუნქტით და 45,9%-ს შეადგენს.

სხვა კომპანიების მსგავსად, Nike-ც დგას მაღალი დანახარჯების წინაშე. შესაძლებელია, ამ ურთიერთსაპირისპირო ფაქტორებითაც აიხსნას ის, რომ კომპანიის აქციები მიმდინარე წელს 16,9%-ით შემცირდა.

აქვე უნდა ითქვას, რომ Nike-ის წმინდა შემოსავალი მეორე კვარტალში 7%-ით გაიზარდა და 1,3 მილიარდ დოლარს მიაღწია.

Walgreens Boots Alliance

ფოტო: Nathaniel Yeo / Unsplash

კომპანიის აქციების ღირებულება გასულ წელთან შედარებით 4,4%-ით არის შემცირებული. ჯერ კიდევ წლის დასაწყისში უმსხვილესმა ფარმაცევტულმა კომპანიამ გასული წლის პირველი კვარტლის შედეგები გამოაქვეყნა, სადაც ნათქვამი იყო, რომ გაყიდვები 7,6%-ით, 33,9 მილიარდამდეა გაზრდილი, ხოლო საოპერაციო შემოსავალი 48,5%-ით არის გაზრდილი და 1,8 მილიარდს შეადგენს.

მიუხედავად ამ მაჩვენებლებისა, მიმდინარე წლის დასაწყისში კომპანიის აქციები 15%-ით დაეცა. სავარაუდოდ, ინვესტორთა ნაწილმა ჩათვალა, რომ WBA-ის გაყიდვების ზრდა უმთავრესად Covid-19-ის ვაქცინებით იყო გამოწვეული.

აღსანიშნავია, რომ WBA-ის მენეჯმენტი ერთ აქციაზე მოგების მაჩვენებლის ზრდას ელოდება. გარდა ამისა, კომპანია აგრძელებს ინვესტირებას, რათა კონკურენცია გაუწიოს მსგავსი პროფილის ფირმებს. ამასთან, კომპანიის ახალი სტრატეგიის მიხედვით, უნდა გაუმჯობესდეს მათი შედეგები და შემცირდეს ხარჯები.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.