გეოპოლიტიკური დაძაბულობის ფონზე საფონდო ბირჟებზე ჯერ კიდევ გაურკვევლობაა. მიუხედავად იმისა, რომ S&P-ის ინდექსი ბოლო მონაცემებით აღდგენის ტენდენციას აჩვენებს, გასული წლის მაქსიმალურ მაჩვენებელთან შედარებით ის დაახლოებით 9%-ით არის შემცირებული.

ბევრი ინვესტორისთვის კრიზისები შესაძლებლობების შექმნის ერთ-ერთი საშუალებაა, რის გამოც ახლა საფონდო ბირჟებისადმი ყურადღება მაქსიმალურად არის მიმართული.

ბაზარზე არსებული ტურბულენტური სიტუაციის გათვალისწინებით, ანალიტიკოსების ლეგენდარული ინვესტორის — უორენ ბაფეტისა და მისი კომპანიის Berkshire Hathaway-ის მხარდაჭერილ სამ აქციაზე ამახვილებენ ყურადღებას და ამბობენ, რომ ახლა მათი ყიდვისთვის საუკეთესოა დროა.

საუბარია Amazon-ის, Bank of America-სა და UPS-ის აქციებზე, რომლებიც ბაზარზე არსებული არეულობის ფონზე საუკეთესოდ გამოიყურებიან.

Amazon

ეს ტექნოლოგიური გიგანტი მომავლის კომპანიაა. აღსანიშნავია, რომ ელექტრონული კომერციის ეს ფირმა Berkshire Hathaway-ის უზარმაზარ პორტფელში დიდ ადგილს არ იკავებს.

Amazon ყველა დროის ერთ-ერთი ყველაზე წარმატებული კომპანიაა და დიდი შანსია, რომ კიდე უფრო გაიზარდოს. ახლა როცა, ბაზარი გაურკვევლობაშია ბევრი ინვესტორი ცდილობს აქციებზე შემცირებული ფასებით ისარგებლოს.

გასულ წელთან შედარებით კომპანიის აქციები დაახლოებით 9%-ით არის შემცირებული, ხოლო გასული წლისავე საუკეთესო ფასთან შედარებით ვარდნა 19%-ია. ამის მიუხედავად, Amazon-ის სამომავლო ზრდაში არავის ეპარება ეჭვი.

Bank of America

ექსპერტების შეფასებით, მსხვილი აქციების უკან დახევა დროებითია და ის მსოფლიოში არსებულ დაძაბულობას უკავშირდება. ინვესტორები, რომლებიც ამ კომპანიის აქციებს აკვირდებიან შეამჩნევდნენ, რომ მისი დივიდენდის სარგებელი 2%-ზე ნაკლებია, გასული კვირის ვარდნის შემდეგ.

თუ ფართო სურათს შევხედავთ, ვნახავთ, რომ ფედერალური სარეზერვო სისტემა საპროცენტო განაკვეთების ზრდას გეგმავს, რაც ბანკების მომგებიანობას გაზრდის.

ახლა ამ აქციაში ინვესტირება ლურჯი ჩიპის მაღალი ღირებულების ფასიანი ქაღალდის შედარებით იაფად შესყიდვას ნიშნავს, რამაც, დიდი ალბათობით, სამომავლოდ მოგება უნდა მოგიტანოს.

UPS

ეს კომპანია Berkshire-ის პორტფელის 0,1%-ზე ნაკლებს შეადგენს. UPS 2022 წელს ელოდება 13,7%-იანი საოპერაციო მარჟის გამომუშავებას 102 მილიარდის შემოსავლიდან. შესაძლებელია შემოსავალი შემცირდეს, თუმცა კომპანიის მომგებიანობა გაიზრდება. 2021 წელს საინვესტიციო კაპიტალიდან ამონაგები 30,8% იყო. კომპანია ელოდება, რომ 2022 წელს ეს მაჩვენებელი უფრო მაღალი იქნება.

UPS-მა 49%-ით გაზარდა დივიდენდის მოცულობა და ერთ აქციაზე 6,08 დოლარი გახადა — ეს ნიშნავს იმას, რომ დივიდენდის წლიური განაკვეთი ახლა 2,9%-ია. კომპანია ელოდება, რომ 2022 წელს სულ მცირე 1 მილიარდის მოცულობის საკუთარ აქციებს გამოისყიდის და 5,2 მილიარდ დოლარს დივიდენდის სახით გაუნაწილებს საკუთარ აქციონერებს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.