ოთხშაბათის ვაჭრობის შედეგად, Meta-ს აქციებზე ფასები 20%-ით შემცირდა, რაც ამ კომპანიის მეოთხე კვარტლის შედეგების გამოქვეყნებას უკავშირდება — როგორც აღმოჩნდა, Meta-ს მომგებიანობა შემცირებულია.

კომპანიის წმინდა შემოსავალი მეოთხე კვარტალში წლიურად 5%-ით შემცირდა და $10,3 მილიარდი შეადგინა — ერთ აქციაზე 3,67 დოლარი, რაც პროგნოზირებულ მონაცემზე 0,17 დოლარით ნაკლებია.

თუმცა, თუ Meta-ს სხვა ფინანსურ მაჩვენებლებს შევხედავთ, ვნახავთ, რომ გასული წლის მეოთხე კვარტალში გაყიდვებმა $33,7 მილიარდს მიაღწია, რაც პროგნოზირებულ მაჩვენებელზე $0,3 მილიარდით მეტია.

კომპანიის შემოსავლების ძირითადი ნაწილი სარეკლამო ბიზნესს უჭირავს. 2021 წლის მეოთხე კვარტალში Meta-ს შემოსავლებიდან 32,6 მილიარდი რეკლამებზე მოდიოდა.

როგორც ცნობილია, Meta-ს შვილობილი კომპანიებია Facebook, Instagram და WhatsApp. ახალი სახელწოდება — Meta — აჩვენებს, კომპანია ცდილობს ტრადიციული სოციალური ქსელებიდან მეტავერსში გადაინაცვლოს. კომპანიის დამფუძნებელი, მარკ ცუკერბერგი თვლის, რომ ეს კომპანიის განვითარებისთვის გადამწყვეტი იქნება.

აქვე უნდა აღინიშნოს, რომ ისტორიაში პირველად, Facebook-მა ყოველდღიურად აქტიური მომხმარებლები დაკარგა. გასული წლის მეოთხე კვარტლის მონაცემებით, ყოველდღიურად აქტიურ მომხმარებელთა რაოდენობა 1,93 მილიარდიდან 1,929 მილიარდამდე ჩამოვიდა.

ცუკერბერგი ამბობს, რომ Meta-ს სამომავლო გზა ჯერ კიდე არ არის სრულყოფილად განსაზღვრული. მისი თქმით, ის კმაყოფილია იმ შედეგით, რაც კომპანიამ აქამდე მიიღო.

Meta-ს ფინანსური მონაცემები აჩვენებს, რომ მეტავერსის შექმნა საკმაოდ ძვირადღირებული რამ არის. ამასთან, სფეროში ფეხს იკიდებს მძლავრი კონკურენციაც. რამდენიმე კვირის წინ Microsoft-მა ვიდეოთამაშების მწარმოებელი კომპანია, Activision Blizzard (ATVI) 68,7 მილიარდ დოლარად შეიძინა — როგორც ჩანს, Microsoft-ს მეტავერსთან დაკავშირებით დიდი გეგმები აქვს.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები და ივაჭრე ისეთი საერთაშორისო კომპანიების აქციებით, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა.