უკრაინა აცხადებს, რომ სამთავრობო ვებგვერდებზე კიბერშეტევის უკან რუსეთი დგას. ამაზე უკრაინის ციფრული ტრანსფორმაციის სამინისტროს განცხადებაშია საუბარი.

"ამ დროისთვის შეიძლება ითქვას, რომ ყველა მტკიცებულება მიუთითებს იმაზე, რომ კიბერშეტევის უკან რუსეთი დგას. მოსკოვი აგრძელებს ჰიბრიდულ ომს და აქტიურად აძლიერებს ძალებს საინფორმაციო და კიბერსივრცეში", — ვკითხულობთ განცხადებაში.

როგორც ოფიციალურ განცხადებაში აღნიშნავენ, უახლესი კიბერშეტევა უკრაინის წინააღმდეგ რუსეთის ჰიბრიდული ომის ერთ-ერთი გამოვლინებაა, რომელიც 2014 წლიდან მიმდინარეობს.

13 იანვარს, გვიან ღამით უკრაინის სამთავრობო ვებგვერდებზე კიბერშეტევა იყო, რომელიც უკრაინელებს აფრთხილებდა, რომ მათ უნდა "ეშინოდეთ და ელოდნენ უარესს".