პარლამენტის თავმჯდომარის, ირაკლი კობახიძის განცხადებით, პრეზიდენტის ადმინისტრაციას არასამთავრობო ორგანიზაციებთან კონსულტაციები აქვს, რომ NGO-ებმა საკონსტიტუციო კომისია დატოვონ. კობახიძის თქმით, მას ეს სარწმუნო ინფორმაცია ერთი კვირის წინ მიაწოდეს. ამის შესახებ პარლამენტის თავმჯდომარემ პარლამენტში, პრეზიდენტის გამოსვლაზე დებატებისას განაცხადა:

"სამწუხაროდ, პრეზიდენტი და პრეზიდენტის ადმინისტრაცია აწარმოებენ ღია კამპანიას საკონსტიტუციო კომისიის წინააღმდეგ. უფრო მეტიც, მე დაახლოებით 1 კვირის წინ მომაწოდეს სარწმუნო ინფორმაცია იმასთან დაკავშირებით, რომ კონსულტაციები იმართება ცალკეულ არასამთავრობო ორგანიზაციებთან და პარტიებთან პრეზიდენტის ადმინისტრაციის მხრიდან იმასთან დაკავშირებით, რომ მათ დატოვონ [საკონსტიტუციო] კომისიის რიგები. ეს არის ძალიან შემაშფოთებელი ინფორმაცია და იმედია, რომ ასეთ შედეგს ჩვენ არ ვიხილავთ."

აღნიშნული მოსაზრება უარყო პრეზიდენტის ადმინისტრაციის უფროსმა გიორგი აბაშიშვილმა:

"ცალკეული ტიპის შეთქმულების თეორიებზე ბუნებრივია კომენტარს ვერ გავაკეთებ," - განაცხადა აბაშიშვილმა.