ცენტრ ემპათიას ხელმძღვანელის, მარიამ ჯიშკარიანის განცხადებით, ექსპრეზიდენტისთვის შესარჩევია ალტერნატიული სამკურნალო დაწესებულება, რათა მოხდეს მისი ეფექტური მკურნალობა.

"ვფიქრობთ, რომ შეხვედრა მოვითხოვოთ, როგორც მკურნალ ექიმთან, ასევე, სხვა კონსილიუმის წევრებთან, ვინაიდან მდგომარეობა საყურადღებოა და საჭიროებს მულტიპროფილურ კორეგირებას, ეს როგორც პროგრამა მინიმუმი და როგორც პროგრამა მაქსიმუმი, შესარჩევია ალტერნატიული სამკურნალო დაწესებულება ნეირომეტაბოლური ამჟამად უკვე და ფსიქოლოგიური მიმართულებით, რათა მოხდეს პაციენტის ეფექტური მკურნალობა", — განაცხადა ჯიშკარიანმა გორის ჰოსპიტლის დატოვების შემდეგ.

ცენტრ ემპათიას განცხადებით, მიხეილ სააკაშვილს დამატებითი ინსტრუმენტული და ლაბორატორიული კვლევები ესაჭიროება. ორგანიზაციამ ექსპრეზიდენტ მიხეილ სააკაშვილის ჯანმრთელობის მდგომარეობის შემაჯამებელი დასკვნა გამოაქვეყნა, სადაც წერია, რომ გორის სამხედრო ჰოსპიტალში ჩატარებული მკურნალობა-რეაბილიტაცია ეფექტური არ არის.

ექსპრეზიდენტი მიხეილ სააკაშვილი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს.

გაიგე მეტი: