ევროპარლამენტმა დღეს, სტრასბურგში გამართულ ექვსი აპრილის კენჭისყრაზე, უკრაინისთვის ვიზების ლიბერალიზაციის მინიჭებას მხარი დაუჭირა, 521 ხმით 75-ის წინააღმდეგ, 36-მა დეპუტატმა კი ხმის მიცემისგან თავი შეიკავა.

შემდეგი ნაბიჯი იქნება ევროკავშირის საბჭოში კანონის ფორმალურად დამტკიცება. რადიო თავისუფლების ბრიუსელის ბიუროს კორესპონდენტი რიკარდ იოზვიაკი ტვიტერის საკუთარ გვერდზე იტყობინება, რომ ევროკავშირის ელჩები უკრაინის მოქალაქეებისთვის უვიზო რეჟიმის დაწესების საკითხს 26 აპრილს განიხილავენ:

ევროპარლამენტის მხარდაჭერას უკვე გამოეხმაურა უკრაინის პრეზიდენტი პეტრო პოროშენკო:

ევროპარლამენტარმა იაცეკ ცარიუშ ვოლსკიმ კი განაცხადა, რომ უკრაინამ ეს მიღწევა დაიმსახურა, თუმცა პროცესი გაჭიანურდა:

ევროკავშირმა და კიევმა სავიზო ლიბერალიზაციაზე მოლაპარაკებები 2008 წელს დაიწყეს. 2015 წლის ბოლოს, ევროკომისიამ გამოაქვეყნა დასკვნა, რომ უკრაინამ პროგრესი განიცადა და ყველა კრიტერიუმი დააკმაყოფილა.

უკრაინისთვის სავიზო ლიბერალიზაცია გულისხმობს მოკლევადიან ვიზიტებს, ანუ 90 დღეს შენგენის ზონაში, ნებისმიერი 180 დღის განმავლობაში.