დეპუტატ ელენე ხოშტარიას ჯანმრთელობის მდგომაროება სტაბილურია და ამ ეტაპზე გართულებები მოსალოდნელი არ არის. ამის შესახებ ინფორმაციას ნიუ ჰოსპიტალსის მორიგე ექიმი, ვალერიან ლობჟანიძე ავრცელებს. მისი თქმით, ხოშტარიამ გუშინ დაიწყო საკვები ნივთიერებების მიღება და მისი კვების რაციონი ეტაპობრივად გაიზრდება.

"ქალბატონი ელენეს მდოგმაროება არის სტაბილური. ვიტალური პარამეტრები ნორმის ფარგლებში. რაიმე სახის გართულება ამ ეტაპზე მოსალონდელი არ არის. შემოსვლისას იყო მცირედი ელექტორიდური დისბალანსი, რომელიც ამჟამად სრულად აღდგენილია [...] იღებს დანიშნულ საშუალებას, რომლის მიღება დაიწყო გუშინ და ეტაპობრივად მოხდება კვების რაციონის გაზრდა", — ვალერიან ლობჟანიძე

17-დღიანი შიმშილობის შემდეგ 19 ნოემბერს ელენე ხოშტარიამ შიმშილობა შეწყვიტა. მან განაცხადა, რომ სააკაშვილის გადაყვანა გორის სამხედრო ჰოსპიტალში მისთვის შიმშილობის შეწყვეტის საფუძველია. შიმშილობის შემდგომი რეაბილიტაციისთვის ის ნიუ ჰოსპიტალში გადაიყვანეს. ადგილიდან ხოშტარიამ დაპოსტა, რომ თავს მშვენივრად გრძნობს და მადლობა გადაუხადა რესპუბლიკური საავადმყოფოს ექიმებს, ვახტანგ კალოიანსა და პარლამენტის ადმინისტრაციას.

გაიგე მეტი: