ლელოს ლიდერის, ბადრი ჯაფარიძის განცხადებით, როდესაც ექსპრეზიდენტს გორის ჰოსპიტალში გადაიყვანენ, პარტია პარლამენტის ბოიკოტს შეწყვეტს, რადგან ამით მოიხსნება, სააკაშვილის სოცოცხლის რისკები, რაც იყო ბოიკოტის მთავარი მიზეზი. მანვე აღნიშა, რომ პროტესტსმა შედეგი გამოიღო.

"მინდა გითხრათ, რომ როგორც კი მოხვდება სააკაშვილის გადაყვანა გორის სამხედრო ჰოსპიტალში ჩვენ, ლელო — საქართველოსთვის წყვეტს პოლიტიკურ ბოიკოტს. რა თქმა უნდა, ეს იქნება დიდი ნაბიჯი დეესკალაციისაკენ. კრიზისის მიზეზები ბევრია ამ ქვეყანაში, მაგრამ ეს იქნება დიდი ნაბიჯი დეესკალაციისკენ", — თქვა ჯაფარიძემ.

იუსტიციის მინისტრმა, რატი ბრეგაძემ სპეციალური ბრიფინგი გამართა და ექსპრეზიდენტს გორის ჰოსპიტალში გადაყვანა შესთავაზა. მისი მტკიცებით, გორის ჰოსპიტალი არის ადგილი, სადაც მიხეილ სააკაშვილის ჯანმრთელობა და უსაფრთხოება მაქსიმალურად იქნება დაცული. ჟურნალისტების კითხვას, როდის და როგორ გადაიყვანენ სააკაშვილს, ბრეგაძე პასუხობს, რომ ეს პროცედურა დაიგეგმება ექიმებთან და უსაფრთხოების თანამშრომლებთან ერთად, როდესაც მის მიერ იქნება მიღებული გადაწყვეტილება, რომ იგი თანახმაა, გადავიდეს გორის სამხედრო ჰოსპიტალში და შეწყვიტოს შიმშილობა.

ამ განცხადების შემდეგ, ელენე ხოშტარიამ შიმშილობას წყვეტა. ბრიფინგზე მან განაცხადა, რომ მიხეილ სააკაშვილის გადაყვანა გორის სამხედრო ჰოსპიტალში მისთვის შიმშილობის შეწყვეტის საფუძველია.