მეფე ლომი დისნეის ერთ-ერთი ყველაზე გახმაურებული და პოპულარული ანიმაციური ფილმია, სწორედ ამიტომ ბევრი მსჯელობის შემდეგ დისნეიმ გადაწყვიტა, წარმატებული ანიმაციური ფილმი მხატვრულ ფილმად აქიცოს.

როგორც გაირკვა, ანიმაციური ფილმის გამხატვრულებაზე მუშაობა უკვე დაწყებულია და ერთ-ერთი პირველი ვინც როლზე მოიაზრება პოპ დივა ბიონსეა, რომელსაც ნალას როლს სთავაზობენ.

ცხადია, ბიონსე ნალას პერსონაჟს გაახმოვანებს და ეკრანზე ლომის კოსტუმში ჩაცმული არ მოგვევლინება.

მეფე ლომი დისნეიმ 1994 წელს გამოუშვა და მას გაგრძელებაც მოჰყვა. ანიმაციური ფილმის მიხედვით დაიდგა მიუზიკლები, შეიქმნა სატელევიზიო ანიმაციური სერიალები, თამაშები და მრავალი სხვა.

ჯერ-ჯერობით უცნობია, როდის გამოვა ჩვენთვის საყვარელი ანიმაციური ფილმის ახალი ვერსია, თუმცა, ცხადია, რომ ის ძველისგან განსხვავებული იქნება - როგორც სიუჟეტით, ასევე გამოსახულებითა და პერსონაჟებით.