ნაციონალური მოძრაობის დეპუტატები იუსტიციის სამინისტროში შესვლას ითხოვენ, თუმცა ადგილზე მობილიზებული პოლიცია მათ არ უშვებს. ისინი აღნიშნავენ, რომ როგორც პარლამენტის წევრებს აქვთ საჯარო შენობაში დაუყოვნებლივ შესვლის უფლება და სხვა არავინ შესვლას არ აპირებს.

პოლიცია აცხადებს, რომ უწყებაში მიმდინარეობს ღონისძიება, რომლის უსაფრთხოებასაც იცავენ და დეპუტატებს შენობაში ვერ შეუშვებენ. სამართალდამცავების უარის გამო დეპუტატებსა და პოლიციას შორის სიტყვიერი შელაპარაკება მოხდა. ანა წითლიძემ განაცხადა, რომ სამართალდამცავი მას ძველი ბიჭივით ელაპარაკება.

პარალელურად აქცია იმართება ჯანდაცვის სამინისტროსთან. შეკრებილები უწყებებისგან მოითხოვენ, რომ ექსპრეზიდენტი მიხეილ სააკაშვილი სამოქალაქო კლინიკაში გადაიყვანონ.