ციანიდის საქმეზე დაკავებული დეკანოზის, გიორგი მამალაძის ადვოკატები სააპელაციო სასამართლოში გაასაჩივრებენ თბილისის საქალაქო სასამართლოს გადაწყვეტილებას, რომლის თანახმადაც, მამალაძე კვლავ წინასწარ პატიმრობაში რჩება. აღნიშნულ საკითხზე საქალაქო სასამართლომ 28 მარტს იმსჯელა.

დაცვის მხარე მამალაძისთვის 20 ათასი ლარის შეფარდებას და პატიმრობიდან გათავისუფლებას ითხოვდა აღკვეთის ღონისძიების სახით, რაც სასამართლომ არ დააკმაყოფილა. გარდა ამისა, ადვოკატები ამტკიცებენ, რომ მამალაძეს გულზე იმდაგვარი სამედიცინო ჩარევა სჭირდება, რაც საზღვარგარეთ მის გამგზავრებას ითვალისწინებს.

თავის მხრივ, პროკურორები არ დაეთანხმნენ მამალაძის ადვოკატების არგუმენტებს, რადგან მათი აზრით, გათავისუფლების შემთხვევაში, შესაძლოა, მამალაძემ მოწმეებზე მოახდინოს ზემოქმედება.