ევროპული საქართველოს ერთ-ერთი ლიდერი, ოთო კახიძე აცხადებს, რომ მისი პარტია ნარკოტიკების მომხმარებელთა მიმართ პოლიტიკის შესაცველელად პარლამენტში საკანონმდებლო ინიციატივით შეიტანს.

კახიძის განცხადებით, უკვე არსებული ინიციატივა, რაც საკონსტიტუციო სასამართლოს გადაწყვეტილებას პასუხობს, მისასალმებელია, თუმცა, ანალოგიური მიდგომა, თავისუფლების აღკვეთის როგორც სასჯელის აკრძალვა უნდა გავრცელდეს აგრეთვე კლუბურ ნარკოტიკებზე და მათ მოხმარებაზე:

"ჩვენ გვაქვს არაორდინალური სიტუაცია. პრაქტიკულად, დრაკონუlი სისხლის სამართლის კანონმდებლობა, რომელიც ითვალისწინებს, მაგალითად გაუპატიურებისთვის 6-დან 8 წლამდე თავისუფლების აღკვეთას, ყაჩაღობისთვის 5-დან 7 წლამდე თავისუფლების აღკვეთას, ამბოხება და შეთქმულება კონსტიტუციური წყობილების შესაცვლელად 5-დან 8 წლამდე თავისუფლების აღკვეთას და ამ პირობებში, კლუბური ნარკოტიკის ფლობისთვის ახალგაზრდებს 8 წლით თავისუფლების აღკვეთას უსჯიან. ეს მიდგომა არის გადასახედი. ჩვენ შევდივართ პარლამენტში ინიციატივით, რომ ნარკოტიკების მომხმარებელთა მიმართ პოლიტიკა ფუნდამენტალურად შეიცვალოს. აქ არ იგულისხმება რა თქმა უნდა გასაღების მიზანი. ჩვენთვის მნიშვნელოვანია დაცული იყოს საზოგადოებრივი წესრიგი, მაგრამ ეს უნდა მოხდეს იმგვარად, რომ რაც შეიძლება ნაკლები ადამიანი წავიდეს ციხეში და პატიმრობა, როგორც თავისუფლების აღკვეთა არ იყოს გამოყენებული სასჯელად".