ქართული ოცნების დამფუძნებელმა და ყოფილმა პრემიერმინისტრმა საარჩევნო უბანი კვლავ უკომენტაროდ დატოვა. ჟურნალისტებს მასთან კითხვები მიმდინარე პოლიტიკურ პროცესებთან დაკავშირებით ჰქონდათ.

ივანიშვილს არც პირველი ტურის დროს, 2 ოქტომბერს გაუკეთებია კომენტარი.

პოლიტიკაში მეორედ მოსვლის შემდეგ ქართული ოცნების თავმჯდომარმ, ბიძინა ივანიშვილმა 11 იანვარს თქვა, რომ პოლიტიკიდან მეორედ მიდის.

12 იანვარს Entrepreneur-ისთვის მიცემულ ინტერვიუში თქვა, რომ მისი ხასიათიდან გამომდინარე, პოლიტიკაში ყოფნა მხოლოდ დისკომფორტს უქმნიდა და ერთი სული ჰქონდა, როდის დასრულდებოდა მისთვის და მისი ოჯახისთვის ცხოვრების ეს ეტაპი.

ივანიშვილიმა ამის შემდეგ მხოლოდ ერთხელ გააკეთა საჯარო განცხადება, მაშინ, როდესაც ყოფილმა პრემიერმა, გიორგი გახარიამ ქართული ოცნება დატოვა. ივანიშვილიმა გახარიასადმი ეპითეტები არ დაიშურა და თქვა, რომ იმედგაცრუებულია და ექსპრემეირს გუნდისა და ქვეყნის მოღალატეს უწოდებდა, მის საქციელს კი პოლიტიკურ დანაშაულად აფასებდა.

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართება. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში აირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი.

გაიგე მეტი: