ყიფშიძის ქუჩაზე მშენებლობის მიმდებარე ტერიტორიაზე ცოტა ხნის წინ კაცი დაიღუპა. შინაგან საქმეთა სამინისტროს პრესსამსახური გამოძიების დასრულებამდე დეტალებზე არ საუბრობს.

ამ დრომდე უცნობია, დაღუპული მშენებლობაზე მუშაობდა თუ ადგილზე შემთხვევით აღმოჩნდა.

როგორც უწყებაში გვითხრეს, გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.