საქართველოს პრემიერმინისტრი, ირაკლი ღარიბაშვილი ლელოს ლიდერს, მამუკა ხაზარაძეს ექსპრეზიდენტის, მიხეილ სააკაშვილის "მორჩილ მსახურს უწოდებს". ამის შესახებ მან ჟურნალისტებთან ისაუბრა და ოპოზიციის მიერ წარდგენილი ჩრდილოვანი კაბინეტი შეაფასა.

"რომელ ნორმალურ ადამიანს შეეძლო დაეჯერებინა ის ფარსი, რომელიც ჩვენ გუშინ ვიხილეთ? არცერთი არ იყო მანდ, ასე ვთქვათ, სხვა პარტიის წარმომადგენელი, გარდა მამუკა ხაზარაძისა, რომელიც ასევე, ფიქტიურად იყო სხვა პარტიის წარმომადგენელი. მამუკა ხაზარაძე ყოველთვის იყო სააკაშვილის, ამ მთავარი ბანდიტის, დამნაშავის მორჩილი მსახური, ნებისმიერ ბიზნესმენს ჰკითხეთ. ის იყო ჩვეულებრივი შემსრულებელი ამ მძიმე ფინანსური დანაშაულებების", — აცხადებს ის.

მისივე თქმით, ოპოზიციის მიერ თბილისის მთავრობის დასახელება იყო "აბსოლუტური ფარსი" და მოსახლეობის "მოტყუების მცდელობა".

"ჩვენს მოსახლეობას მინდა ავუხსნა, მე არაერთხელ მითქვამს და მინდა გავიმეორო, რომ მათი ეს ფიქტიური დაყოფები, ვითომ ახალი პარტიების შექმნა, მათსავე წიაღში, რა თქმა უნდა, იყო აბსოლუტური ფარსი, ეს იყო ტყუილი, საკუთარი ამომრჩევლის მოტყუება და ჩვენი მოსახლეობის მოტყუების მცდელობა. ამ ადამიანებს დაკარგული აქვთ რეალობის შეგრძნების განცდა, ზოგადად და არსებული სიტუაციის. მათ ჰგონიათ, რომ როგორც ატყუებდნენ ჩვენი მოსახლეობის დიდ ნაწილს მათი ხელისუფლებაში ყოფნის დროს, სამწუხაროდ, საუბედუროდ, თავიანთი პროპაგანდისტული მანქანებით, ასევე, ეგონათ, რომ მოატყუებდნენ", — განაცხადა მან.

20 ოქტომბერს ნაციონალური მოძრაობის თავმჯდომარემ და თბილისის მერობის კანდიდატმა, ნიკა მელიამ ე.წ. ჩრდილოვანი მთავრობის შემადგენლობა წარადგინა. დედაქალაქის მერობის არჩევნებში მელიას გამარჯვების შემთხვევაში მისი მოადგილეები იქნებიან: