ავღანეთში, შიიტურ მეჩეთში აფეთქებას 32 ადამიანი ემსხვერპლა, 45 კი დაშავდა. აფეთქება ქალაქის უდიდეს შიიტურ მეჩეთში, ბიბი ფატიმას მეჩეთში მოხდა.

თვითმხილველმა AFP-ს განუცხადა, რომ მან სამი აფეთქების ხმა გაიგო, კიდევ ერთი თვითმხილველი ამბობს, რომ მეჩეთს ოთხი თვითმკვლელი ტერორისტი დაესხა თავს.

საერთაშორისო მედიის ცნობით, მომხდარზე პასუხისმგებლობა ჯერ არავის აუღია.