ნაციონალური მოძრაობის თავმჯდომარეს, ნიკა მელიას პარლამენტმა დეპუტატის უფლებამოსილება შეუწყვიტა. მელიასთვის პარლამენტის წევრის ვადამდე უფლებამოსილების შეწყვეტის გადაწყვეტილებას 79-მა დეპუტატმა დაუჭირა მხარი, წინააღმდეგი კი არცერთი იყო.

ერთიანი ნაციონალური მოძრაობის თავმჯდომარემ 29 ივლისს განაცხადა, რომ პარლამენტის მანდატს ტოვებს, მაგრამ პარლამენტში დარჩება.

მისივე თქმით, მან თანაგუნდელებს თხოვა პარლამენტში ფორმალურად დარჩნენ, რათა პროპორციულ საარჩევნო სისტემაზე გადასასვლელი პროცედურები ქართულ ოცნებას ბოლომდე მიაყვანინონ.