ცენტრალური საარჩევნო კომისიის ინფორმაციით, გორში ხმების 100%-ია დათვლილი. წინასწარი მონაცემებით, მეორე ტური არ გაიმართება, რადგან ქართული ოცნების კანდიდატმა, ვლადიმერ ხინჩეგაშვილმა ხმების 52,89% მიიღო.

რაც შეეხება სხვა კანდიდატებს, შედეგები ასე გადანაწილდა:

  • ვასილ მახარაშვილი (ნაციონალური მოძრაობა) — 31,64%;
  • კონსტანტინე ანანიაშვილი (საქართველოსთვის) — 12,89%;
  • ეთერ ჯალაღანია (ევროპული საქართველო) — 2,57%.

ხმების 100%-ის დათვლა საბოლოო შედეგებს არ ნიშნავს, რადგან დარღვევების გამო შეტანილ საჩივრებს, შესაძლოა, ზოგიერთი უბნის მონაცემების გაბათილება ან შეცვლა მოჰყვეს, რაც აისახება გამოქვეყნებულ მონაცემებზე. საბოლოო შედეგებს ცესკო საჩივრების განხილვის დასრულების შემდეგ გამოაქვეყნებს.

მეორე ტური 20 ქალაქსა თუ მუნიციპალიტეტში გაიმართება. კანონმდებლობის მიხედვით, მეორე ტური პირველი ტურიდან 4 კვირაში, ანუ 30 ოქტომბერს გაიმართება.

ამავე თემაზე: