პოლიტიკური პარტია ლელოს ლიდერმა, თბილისის საკრებულოს თავმჯდომარეობის კანდიდატმა ბადრი ჯაფარიძემ ყიფშიძის ქუჩაზე მიმდინარე მშენებლობა მოინახულა.

"ეს ადგილი არის დემონსტრირება იმისა თუ რატომ უნდა ჩამოვაცილოთ "ქართული ოცნება" თბილსის მართვას. ეს არის სრული უგულვებელყოფა აქ მცხოვრები მოქალაქებიის. ის გეგმა, რომელიც დამტკიცებული აქვს თბილისის მერიას და საკრებულოს, საბოლოო ჯამში მოგვიტანს სრულიად გაუსაძლის პირობებს არა მხოლოდ იმ ადამიანებისთვის, რომელიც დღეს აქ ცხოვრებენ, არამედ იმ ადამიანებისთვის, რომელიც ახალ სახლებში უნდა შესახლდნენ. ასეთი მშენებლობები უნდა დასრულდეს", — განაცხადა ჯაფარიძემ

მისი თქმით, აპირებს მოინახულოს თბილისის სხვა მსგავსი ადგილებიც. "ვაპირებ, ყველა იმ ადგილას მივიდე თბილისში, სადაც ანალოგიური მდგომარეობაა იმისათვის, რომ ყველგან ვუთხრათ ჩვენს მოქალაქეებს — 2 ოქტომბრიდან ჩვენ ამას დავასრულებთ! დავასრულებთ ქალაქის ქაოტურ განაშენიანებას, ისეთ განაშენიანებას რომლის წყალობითაც ადამიანები იღებენ ისეთ საცხოვრისს, სადაც მათ არ რჩებათ თავისუფალი სივრცეები, ჰაერი, ბინები სადაც არ აღწევს სინათლე. ამიტომ 2 ოქტომბრიდან ჩვენ უნდა დავიწყოთ თბილისის განვითარების სრულიად ახალი სტრატეგი , რომელიც მორგებულია ადამიანზე და თბილისის თითოეულ მოქალაქეზე". — ამბობს ჯაფარიძე.