ნაციონალური მოძრაობის წევრის, ხატია დეკანოიძის შვილი დააკვეს. ის ნარკოდანაშუალის ბრალდებით დააკავეს.

ამ ეტაპზე შსს-ს პრესსამსახურში ამბობენ, რომ 12 მარტს მოქალაქე თ.კ. დააკავეს, რომელსაც სასამართლომ აღკვეთის ღონისძიება უკვე შეუფარდა. გამოძიება სისხლი სამართლის კოდექსის 260-ე მუხლით მიმდინარეობს. სხვა დეტალებთან დაკავშირებით შსს-ს პრესსამსახურიდან იფნორმაციას არ ავრცელებენ.

სისხლის სამართლის კოდექსის ამ მუხლით, ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნა ისჯება თავისუფლების აღკვეთით ვადით ექვს წლამდე.

შვილის დაკავების შესახებ ინფორმაცია გაავრცელა დეკანოიძემაც.

"ვინც ჩემთან ჩემი ერთადერთი შვილით ვაჭრობას აპირებთ, იცოდეთ, არ გამოგივათ! გამორიცხულია! მასზე ძვირფასი არავინ მყავს, თუმცა ჩემი ღირსება არასდროს იქნება ვაჭრობის საგანი. დედა, არ შეგეშინდეს!" - დაწერა ფეისბუკზე დეკანოიძემ.

სისხლის სამართლის კოდექსის იგივე მუხლით მიმდინარეობს გამოძიება ქრონიკა პლუსის რედაქტორის, ელისო კილაძის შვილის საქმეზე. ის 13 მარტს დააკავეს. კილაძე შვილის დაკავება თავის ჟურნალისტურ საქმიანობას უკავშირებს.