თალიბანის თანადამფუძნებელი, აბდულ ღანი ბარადარი მოლაპარაკებებისთვის ავღანეთში ჩავიდა. ინფორმაციას ამის შესახებ Reuters ოფიციალურ წყაროზე დაყრნობით ავრცელებს.

გამოცემის წყაროს ინფორმაციით, ქაბულში თალიბანის ერთ-ერთი ლიდერი შეხვდება სამხედრო მეთაურებს, ყოფილი მთავრობის ლიდერებსა და რელიგიურ სწავლულებს და "ახალი მთავრობის" ჩამოყალიბებას განიხილავს. როგორც თალიბანის ოფიციალურმა წარმომადგენელმა Reuters განუცხადა, თალიბანი გეგმავს, მომდევნო რამდენიმე კვირაში ავღანეთის მთავრობის ახალი მოდელი მოამზადოს.

საერთაშორისო მედიების ინფორმაციით, ბარადარი ავღანეთში რამდენიმე დღის წინ დაბრუნდა. ის წლების განმავლობაში ავღანეთში არ ცხოვრობდა. არსებული ინფორმაციით, ბარადარი მონაწილეობდა კატარის დედაქალ დოჰაში მიმდინარე მოლაპარაკებებშიც.

ავღანეთიდან აშშ-ის ძალების გასვლის შემდეგ, თალიბანმა მალევე შეძლო და ქაბულიც აიღო – პრეზიდენტი გაიქცა, თალიბებმა ძალაუფლება მოიპოვეს. მათ ხელისუფლების ყველა წარმომადგენლისათვის საყოველთაო "ამნისტია გამოაცხადეს" და მთავრობაში ქალები მიიწვიეს. მათი მტკიცებით, ხალხს შეუძლია, დაუბრუნდეს თავის რუტინულ ყოველდღიურობას, თუმცა ამის ფონზე, დევნიან ქუჩაში დამოუკიდებლობის დღის აღსანიშნავად გამოსულ მოქალაქეებს, ქალებს, რომლის ჩაცმის სტილიც არ მოსწონთ, ჟურნალისტებს. ბოლო დღებში თალიბებმა ათამდე მოკლეს და არაერთი დაჭრეს, მათ შორის, ისინი, ვინც ქვეყნიდან გაქცევას ცდილობდნენ.

გაიგეთ მეტი: