ვიცე-პრემიერმა კახა კალაძემ ბათუმში მიმდინარე მოვლენებთან დაკავშირებით განცხადება გაავრცელა და ბათუმის მოსახლეობას სიმშვიდისაკენ მოუწოდა:

"მთავარია ყველა დამშვიდდეს და მოთმინებით დაელოდოს კანონის აღსრულებას. არც ბათუმს, არც საქართველოს, არც პოლიციელებს, რომლებიც კანონის სადარაჯოზე დგანან, არ უნდა ვაკადროთ ასეთი არეულობა".

კალაძემ აქციის მონაწილეებს მიმართა, რომ პროტესტის გამოხატვა ვანდალიზმით და სამართალდამცავების დაშავებით არცერთ ნორმალურ ქვეყანაში არ რჩება დაუსჯელი:

"პატივი ვცეთ საკუთრ ქალაქს. ვცეთ ერთმანეთს პატივი. გთხოვთ, მოგიწოდებთ ანგარიში გაუწიეთ თქვენს თანამოქალაქეებს და დაიშალეთ. ქუჩებში სირბილი, კერძო საკუთრების დარბევა, პოლიციის შენობის შტურმით აღება, ეს არის დანაშაული. მე ვდგავარ თქვენი, ბათუმელებისა და სამართალდამცავების გვერდზე, მეც ველოდები სიტუაციის განმუხტვას. ჩვენ ერთად უნდა დავდგეთ პროვოკატორებისა და უკანონობის წინააღმდეგ".