ყაზახური კომპანია Kaspi-ს თანადამფუძნებელი და ქართველი მილიარდერი მიხეილ ლომთაძე ყველაზე მდიდარი ქართველია. Forbes-ის რეალურ დროში გამოვლენილი მილიარდერთა სიაში მან ბიძინა ივანიშვილსაც გადაუსწრო და ახლა 596-ე ადგილს იკავებს. ივანიშვილი იგივე სიაში 632-ე ადგილზეა.

Forbes-ის მიხედვით, ლომთაძის ქონება 5,1 მილიარდ დოლარადაა შეფასებული, ხოლო ივანიშვილის — $4,8 მილიარდად.

ფოტო: Forbes

Kaspi-ის აქციები ლონდონის საფონდო ბირჟაზე 2020 წელს განთავსდა, აპრილში კი ლომთაძე მილიარდერთა სიას შეუერთდა. Kaspi ყაზახეთში არსებული უმსხვილესი საგადასახადო ფინტექ (ფინანსური ტექნოლოგიების) კომპანიაა, რომელსაც ყოველთვიურად 7 მილიონზე მეტი მომხმარებელი ჰყავს. მისი ქონება აპრილში $3,8 მილიარდს შეადგენდა და 4 თვეში $1,3 მილიარდით გაიზარდა.