დღეს 31 ივლისია, დაბადების დღე ბიჭისა, "რომელიც ცოცხალი გადარჩა". 11 წლის ასაკში ჰარი პოტერმა სწორედ ამ დღეს მიიღო ჯადოსნური ჰოგვორტსიდან წერილი და გაიგო, რომ ჯადოქარია.

წელს ჰარი პოტერის დაბადების დღე სულაკაურის გამომცემლობამ ორიგინალურად აღნიშნა. მათ გადაწყვიტეს, ის ბავშვები დაესაჩუქრებინათ, რომლებიც 31 ივლისს 11 წლის გახდნენ. მათ შორის აღმოჩნდა მარიამ ქიტოშვილი თბილისიდან, რომელსაც გამომცემლობის წარმომადგენლები სახლში ესტუმრნენ, ჰოგვორტსიდან წერილი გადასცეს და ჰარი პოტერის სერიის წიგნებითაც დაასაჩუქრეს.

ფოტო: სულაკაურის გამომცემლობა

ფოტო: სულაკაურის გამომცემლობა

გამომცემლობას არც ტორტი დავიწყებია და ალბათ, სულაც არ იქნება გასაკვირი თუ გეტყვით, რომ მასზე განზრახ "გილოტავთ" დააწერეს.

სულაკაურის გამომცემლობას კომპანია პოტერჰედიც შეუერთდა და იუბილარებს თემატური აქსესუარები გადასცა.

გაინტერესებთ, როგორ ჩაიარა ამ ამბავმა? ნახეთ ვიდეო:

@sulakauri_official

ესეც ჩვენი საჩუქარი 11 წლის მარიამს #foryou #harrypotter #birthday

♬ Harry Potter - The Intermezzo Orchestra

რაც მთავარია, ყველაფერი აქ არ დასრულებულა — ჰარი პოტერის დაბადების დღესთან დაკავშირებით სულაკაურის გამომცემლობა პოტერჰედებსაც და მაგლებსაც (იმ ადამიანებს, რომლებიც ჯერ ამ ჯადოსნურ სამყაროს არ იცნობენ) ჰარი პოტერის სერიის წიგნებზე ფასდაკლებას სთავაზობს. წიგნების შეძენა 30 ივლისიდან 1 აგვისტოს ჩათვლით განსაკუთრებულ ფასად შეგიძლიათ.