საფრანგეთის პრეზიდენტი, ემანუელ მაკრონი ქართველი ძიუდოისტის, ლუკა მხეიძის მიერ ოლიმპიურ თამაშებში მოპოვებულ ბრინჯაოს მედალზე ტვიტერზე წერს, რომ მხეიძის მიერ არჩეული ქვეყანა სიამაყეს იზიარებს. ქართველი ძიუდოისტი ტოკიოს ზაფხულის ოლიმპიურ თამაშებში საფრანგეთის სახელით ასპარეზობს.

"ოლიმპიური თამაშები არაჩვეულებრივი ადამიანური ისტორიებია. ლუკა მხეიძე საქართველოში დაიბადა, 2015 წელს საფრანგეთის მოქალაქეობა მიიღო და პირველი ფრანგული მედალი მოიპოვა ტოკიოში. მის მიერ არჩეული ქვეყანა სიამაყეს იზიარებს", — წერს მაკრონი ტვიტერზე.

ოლიმპიურ თამაშებზე საფრანგეთს პირველი ბრინჯაოს მედალი წორედ ლუკა მხეიძემ მოუტანა. ფრანგული მედიის ცნობით, მან საქართველო, მშობლებთან ერთად, 2008 წლის ომის შემდეგ დატოვა. თავიდან პოლიტიკური დევნილის სტატუსი, წლების შემდეგ კი საფრანგეთის მოქალაქეობა მიიღო.