30 ადამიანზე მეტი დაიღუპა და 50-ზე მეტი დაშავდა ოთხშაბათს ავღანეთის დედაქალაქ ქაბულში მომხდარი თავდასხმის შედეგად.

სამედიცინო პერსონალის ფორმაში გამოწყობილი თავდამსხმელები სამხედროების საავადმყოფოს დაესხნენ თავს. ინფორმაციას ავღანეთის თავდაცვის მინისტრზე დაყრდნობით CNN ავრცელებს.

ოთხი თავდამსხმელიდან ერთმა საავადმყოფოს შესასვლელთან აიფეთქა თავი, ხოლო დანარჩენი სამი კი საავადმყოფოში შეიარაღებულები შევიდნენ და სხვადასხვა სართულებისკენ გაემართნენ. არსებული ინფორმაციით, თავდამსხმელები ექიმების ფორმით იყვნენ და დაცვამ ისინი მაშინვე არ მოკლა, რადგან პაციენტების გაყვანით იყვნენ დაკავებულები.

თალიბანი თავდასხმასთან კავშირს უარყოფს.

ISIS-თან დაკავშირებული მედია-ორგანიზაცია აცხადებს, რომ თავდასხმაზე პასუხისმგებლობას ე.წ. ისლამური სახელმწიფო იღებს.