გუო განგტანგის ცხოვრება 1997 წელს სამუდამოდ შეიცვალა. უცნობმა ქალმა მისი 2 წლის ბიჭი მაშინ გაიტაცა, როდესაც ბავშვი სახლის წინ თამაშობდა. მომხდარით განადგურებულმა მამამ პირველი შოკის შემდეგ მტკიცე გადაწყვეტილება მიიღო: შვილი უნდა დაებრუნებინა. 24 წლის შემდეგ მას ნატვრა აუხდა და ნანატრი შვილი გულში ჩაიკრა.

ფოტო: WEIBO

შვილის მოსაძებნად ახლა უკვე 51 წლის გუომ თითქმის მთელი ჩინეთი შემოიარა. ის ინფორმაციის შეგროვებას ნებისმიერი ხერხით ცდილობდა და უცნობებს დაკარგული შვილის ფოტოს უჩვენებდა. რამდენჯერმე საგზაო შემთხვევაში მოხვდა, ხიდის ქვეშაც ხშირად ეძინა, როცა სასტუმროში დასარჩენად ფული გამოელია. მამამ მოგზაურობისას 10 მოტოციკლი გამოიცვალა და 480 000-ზე მეტი კილომეტრი გაიარა.

საბოლოოდ, რამდენიმე დღის წინ გუომ დაკარგული შვილი იპოვა. დნმ-ის ტესტმა მამას დიდი ხნის ოცნების ასრულება დაუდასტურა. შვილი მშობლებმა 24 წლის შემდეგ პირველად ჩაიკრეს გულში.

ბავშვის მოტაცებისა და გაყიდვის ბრალდებით ამჟამად 2 ადამიანია დაკავებული.

აღსანიშნავია, რომ გუოს შვილის გატაცების ისტორიის მიხედვით 2015 წელს ფილმი Lost and Love გადაიღეს. მამას შვილის პოვნა მსახიობმა ენდი ლაუმაც მიულოცა, რომელიც ფილმში სწორედ მამაც გუოს განასახიერებს.